November 28, 2021

ՀԱՅՐԻԿԻՍ

Մաթեվոս Դավթյանին

Դու իմ գլխին հովանավոր Արարատ ես, հայր,

Ամպ ու զամպի դեմ ամրակուռ իմ վահանն ես, հայր:

Երկրից երկիր թե զորք ելնեն ու բախվեն թափով,

Դու պաշտպանն ես մեր տան հարկի, դու զորավար հայր:

Կյանքի կռվում փոթորկալից ես կորած զինվոր,

Բազկիդ թափը իմ թիկունքին` անհաղթ ուժ է հայր:

Արդարությունն ու աշխատանքն են կենաց հիմքը,

Քրտինքն արդար աշխատանքի ճակտիդ ծով է, հայր:

Տանը, խաղաղ մեր հարկի տակ, նստել ենք հացի,

Առատության մեր սփռոցի աղ ու հացն ես, հայր:

Ես լացակում մի պատանի դպրոցի ճամփում,

Կյանքի ճամփում թեվատակիս դասագիրքն ես, հայր:

Դու լուռ սիրով հսկում ես իմ բախտի հիմնարկման,

Ծռված քարը շտկել տալիս, ճարտար վարպետ, հայր:

«Որդին հորից լավ պիտ ապրի», խոսքդ է իմաստուն,

Դա էլ հավատքս կլինի երբ ես դառնամ հայր:

Լոնդոն, 19610521

ՄԱՅՐԻԿԻՍ

Գուգուլի Դավթյանին

Բյուրավոր հեղ գովված ես աշխարհում արար

Արեվ, լուսին ընծայված ու մեծարված, մայր:

Երկնի աստղաց համրանքով քեզ երգ է ձոնված,

Թոթով երգն էլ այս անպերճ ինձնից նվեր, մայր:

Հայրենիքի, աշխարհքի հետ են չափում քեզ,

Ես մեծ չափեր չգիտեմ, դու օրոցք ես, մայր:

Տիեզերքի գիրկը խոր անհուն է թեեվ,

Բայց քո գիրկն է հանգիստն իմ, գորովագութ մայր:

Կյանքի այս մեծ համերգում այսքան նվագներ`

Ես քո նանիկն եմ սիրում, դու օրորերգ, մայր:

Ծովերից ծով կամարված կամուրջներ երկաթ,

Դու առաջին քայլփոխիս վտիտ սյունը, մայր:

Արարատը, թեեվ դեռ չեմ գգվել նրան,

Դու ես սրտիս մեջ դրել Արարատը, մայր:

Այս բառերս էլ, որ ահա ես ձոնում եմ քեզ,

Քեզնից առած հյութն է` թող քեզ մեղր դառնա, մայր:

Մաթեվոս & Գուգուլի Դավթյան

Գրիշ Դավթյան

Լոնդոն, 19610521

Grish Davtyan has published three books of his poetries in Armenian, and one book in English. He is the president of the Armenian Writers Association of California, and founding and former editor of The Literary Groong. https://groong.org/tlg/